کینسر کے شکار بچے کی اپنے ہیرو ڈیرن سیمی سے ملاقات

کینسر کے شکار بچے کی اپنے ہیرو ڈیرن سیمی سے ملاقات
پاکستان سپر لیگ (پی ایس ایل) کی ٹیم پشاور زلمی کے کپتان ڈیرن سیمی کے کم سن مداح حمزہ کینسر کے عارضے میں مبتلا ہیں تاہم ان کا ایک خواب حقیقت بن گیا۔
کینسر کے شکار کم سن حمزہ نے اپنی ایک ویڈیو میں کہا تھا کہ ان کا خواب ہے کہ ڈیرن سیمی سے ملنے کا موقع مل جائے۔

پشاور زلمی کے یوٹیوب چینل میں جاری ایک ویڈیو میں دیکھا جاسکتا ہے کہ ڈیرن سیمی اپنے کم سن مداح حمزہ سے ملاقات کر رہے ہیں۔

{youtube}lMwBENCy6LA{/youtube}

ڈیرن سیمی کے علاوہ پشاور زلمی کے دیگر کھلاڑیوں نے بھی حمزہ کے لیے ایک جرسی پر اپنے دستخط کیے اور اپنے پیغام میں انہوں نے حمزہ کے لیے بہتر صحت اور بیماری کا مقابلہ کرنے کے لیے نیک خواہشات کا اظہار کیا۔

ویسٹ انڈیز سے تعلق رکھنے والے ڈیرن سیمی نے ٹویٹر میں اپنے پیغام میں کہا کہ ‘خواہش سے متاثر ہونے تک ایسا لگ رہا ہے کہ حمزہ کے مضبوط بازووں نے مجھے چند چھکے لگانے میں واقعی مدد کی’۔

انہوں نے حمزہ کا خواب سچ بنانے میں تعاون پر اپنی ٹیم کے ساتھی کھلاڑیوں کا شکریہ ادا کیا۔

خیال رہے کہ ڈیرن سیمی نے ‘پی ایس ایل’ کے آغاز سے قبل پشاور کا دورہ کیا تھا جبکہ کراچی میں لیگ کے میچوں میں شرکت کے لیے پہنچے تو مزار قائد کا دورہ کیا اور پاکستانیوں کے دل جیت لیے۔

نیشنل اسٹیڈیم کراچی میں پشاور زلمی اور کوئٹہ گلیڈی ایٹرز کے درمیان 17 مارچ کو فائنل کھیلا جائے گا جہاں دونوں ٹیمیں دوسری مرتبہ ٹائٹل کے حصول کے لیے ٹکرائیں گی۔

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s